Շվեդ ճարտարապետները ներկայացրել են ծտերի բների պես ժայռից կախված տների կոնցեպտ (լուսանկարներ)

Շվեդ ճարտարապետները ներկայացրել են նորարարական դիզայներական նախագիծ՝ նպատակ ունենալով դրա օգնությամբ գերծանրաբեռնված քաղաքներում լուծել կացարանի հետ կապված խնդիրները:

Ինչպես նշում է The Daily Mail-ը, նրանք առաջարկել են մարդկանց համար կառուցել ծտերի բների պես տներ, որոնք կունենան մինիմալիստական դիզայն, բայց, միևնույն ժամանակ, կլինեն հարմարավետ:

Նախագիծը ստացել է NestinBox անվանումը: Ըստ մտահղացման՝ տները պետք է կառուցվեն ժայռերին՝ հեռվից հսկայական բների տպավորություն թողնելով:

Աղբյուրը մանրամասնում է, որ տները նախատեսված կլինեն 1 կամ 2 հոգու համար: Դրանք կունենան 2 սենյակ, խոհանոց, աշխատասենյակ, ինչպես նաև հանգստի գոտի: