ԱՄՆ-ն սկսել է սիրիական քրդերին զինամթերք մատակարարել. աղբյուր

00:33 • 31.05.17

ԱՄՆ-ն սկսել է զինամթերք և հատուկ հանդերձանք մատակարարել քուրդ զինյալներին, որոնք մասնակցում են Իսլամական պետություն խմբավորումից սիրիական Ռաքա քաղաքի ազատագրմանը։ Այս տեղեկությունը հաստատել են Պենտագոնի մամուլի ծառայությունից, հայտնում է Interfax-ը:

«ԱՄՆ ղեկավարած կոալիցիան սկսել է զենք ու հանդերձանք մատակարարել քրդական խմբավորումներին: Խոսքը հրաձգային զենքի, ծանր գնդացիրների և սպառազինությունների այլ տեսակների մասին է, որոնք պետք են ԱՄՆ գործընկերներին», - ասել է Պենտագոնի պաշտոնական ներկայացուցիչ Էրիկ Պահոնը։

Նրա խոսքով ՝ ԱՄՆ ռազմական խորհրդականները հնարավոր է իրականացնեն քրդական խմբավորումների կողմից մատակարարված զենքի կիրառման մշտադիտարկում, որպեսզի այն օգտագործվի բացառապես ԻՊ դեմ պայքարում։


«ԱՄՆ-ի տրամադրած օգնության յուրաքանչյուր չարաշահում կամ ոչ տեղին կիրառում կհանգեցնի լուրջ հետևանքների ու աջակցության կրճատման», - նշել է ԱՄՆ Պաշտպանության նախարարության ներկայացուցիչը։