Իրանում RT հեռուստաալիքի երկու լրագրողի են ձերբակալել
Թեհրանի ոստիկանությունն այսօր ձերբակալել է RT Arabic գործակալության երկու լրագրողի:
Ինչպես հաղորդվում է հեռուստաալիքի թվիթերյան էջում, լրագրողները ձերբակալվել են Իրանի խորհրդարանի մոտ նկարահանումներ իրականացնելիս:
Հիշեցնենք, որ Իրանի մայրաքաղաքում այսօր առավոտյան հարձակումներ էին իրականացվել խորհրդարանի շենքի և Իմամ Խոմեյնիի դամբարանի վրա, որոնց հետևանքով 12 մարդ զոհվել էր, ևս 42-ը` վիրավորվել:
Ավելի ուշ հայտնի էր դարձել, որ խորհրդարանում գտնվող բոլոր 4 ահաբեկիչները սպանվել են: Տեղի ժամանակով 10:15-ին (երևանյան` 09:45) սկսված ահաբեկչական գործողությունն ավարտվել է մոտ հինգ ժամ անց:
Հարձակման պատասխանատվությունն ստանձնել է «Իսլամական պետություն» ահաբեկչական խմբավորումը:










