Վիլնյուսում հայտնաբերվել է մարդու ոսկորներով ութ պարկ
Լիտվայի մայրաքաղաք Վիլնյուսի հին քաղաքում հայտնաբերվել է մարդու ոսկորներով ութ պարկ: Այս մասին հայտնում է Irytas.lt կայքը՝ հղում անելով Վիլնյուսի ոստիկանությանը:
Աղբյուրի հաղորդմամբ՝ քաղաքի բնակչուհին դիմել է իրավապահ մարմիններին և պնդել, որ ինքը տների արանքում ոսկորներով պարկեր է հայտնաբերել: Ոստիկանները զննել են տարածքը և համոզվել, որ կնոջ ասածը ճշմարտություն է:
Նշվում է, որ ոսկորները դրված են եղել շինարարական թափոններով պարկերի մեջ: Հողատարածքը, որում դրանք հայտնաբերվել են, 2015 թվականին սեփականաշնորհվել է, և այնտեղ շինարարություն է մեկնարկել: Ավելի ուշ շինարարական աշխատանքները կանգնեցվել են:
Հայտնի է, որ ավելի վաղ այս տարածքում արդեն մարդկային ոսկորներ են հայտնաբերվել, քանի որ այնտեղ գերեզմանոց է եղել:










