Կիևում ԱՄՆ դեսպանատան տարածքում պայթյուն է տեղի ունեցել
Կիևում ԱՄՆ դեսպանատան տարածքում պայթյուն է տեղի ունեցել: Այդ մասին հայտնում է unian.net-ը՝ վկայակոչելով Facebook-ում ոստիկանության հաղորդագրությունը:
Պայթյունը որակվել է որպես ահաբեկչական գործողություն: Ոչ ոք չի տուժել:
Ինչպես նշվում է հաղորդագրությունում, մայրաքաղաքի ոստիկանությունը ստացել է ԱՄՆ դեսպանատան տարածքում պայթյունի մասին հաղորդագրությունը տեղի ժամանակով ժամը 00:05-ին:
Դեպքի վայր են մեկնել ոստիկանության շրջանային և գլխավոր վարչությունների քննչական-օպերատիվ խմբերը: Ոստիկանությունը պարզել է, որ անհայտ անձը դիվանագիտական ներկայացուցչության տարածք է նետել պայթուցիկ սարք:
Իրականացվում են օպերատիվ-հետախուզական միջոցառումներ՝ հանցագործությանը ներգրավված անձանց պարզելու համար:










