«Սասնա ծռերի» գործով դատական նիստը հետաձգվեց՝ դահլիճում լռություն չպահպանելու պատճառով

14:51 • 08.06.17

«Սասնա ծռեր» գործով առաջին դատական նիստը հետաձգվեց, քանի որ դատարանի դահլիճում չապահովվեց լռություն: «Սասնա ծռերի» անդամները դահլիճ մտան հարազատների վանկարկումների, ծափերի ներքո:

Դատավորի՝ ոտքի կանգնելու հորդորին ի պատասխան «Սասնա ծռերի» անդամները ոտքի չկանգնեցին՝ պատճառաբանելով, որ իրենք այդ կառույցը չեն համարում որպես դատարան և, ըստ նրանց՝ ժողովուրդն իրենց չի դատում, Քրեական օրենսգիրքն իրենց չի վերաբերում:

Դատական նիստը կկայանա հունիսի 21-ին՝ ժամը 12.30-ին:

Հիշեցնենք, որ այսօր «Սասնա ծռեր»-ի աջակիցները Երևանի Ազատության հրապարակից  բողոքի երթով եկել էին Էրեբունու առաջին ատյանի դատարան, սակայն ոստիկանները բոլորին թույլ չին տվել մտնել դատարանի դահլիճ՝ բացատրելով, որ միայն հարազատները կարող են ներս մտնել, դահլիճում 40 հոգու տեղ կա միայն, որորնք արդեն զբաղված են:

Նշենք, որ Դատախազությունն այսօր հաղորդագրություն էր տարածել, որում ասվում էր, որ ՊՊԾ գնդի զավթման մեջ մեղադրվող 18 անձանց մասով անջատված գործը մեղադրական եզրակացությամբ ուղարկվել է դատարան։