Թրամփի հետ հանդիպմանն Apple-ի ղեկավարի դեմքի արտահայտությունը զվարճացրել է օգտատերերին

Սոցկայքերի օգտատերերին գրավել է ամերիկյան Apple տեխնոլոգիական ընկերության ղեկավար Թիմ Քուկի դեմքի արտահայտությունն ԱՄՆ նախագահ Դոնալդ Թրամփի հետ հանդիպման ժամանակ:

Ինչպես նշում է ria.ru-ն, Թրամփը հանդիպել է ամերիկյան մի շարք տեխնոլոգիական ընկերությունների ղեկավարներին՝ քննարկելու կառավարության տեղեկատվական համակարգերի թարմացման հարցը:

Դատելով լուսանկարներից՝ քննարկմանը զուգընթաց Քուկի դեմքի արտահայտությունը սկսել է ավելի տարօրինակ դառնալ:

Օգտատերերից շատերը նշել են, որ Քուկի դեմքի արտահայտությունն ավելի խոսուն է, քան բառերը:

Մի մասն էլ ենթադրել է, որ Apple-ի ղեկավարին տխրեցրել է կառավարական տեխնոլոգիաների ներկայիս դրությունը: