Curiosity-ն Մարսի վրա առեղծվածային շրջան է ֆիքսել (լուսանկարներ)

16:06 • 22.06.17

Ամերիկյան ազգային ավիատիեզերական գործակալության՝ ՆԱՍԱ-ի Curiosity մարսագնացը, որն իր առաքելությունն է իրականացնում «Կարմիր մոլորակի» վրա, ֆիքսել է առեղծվածային քարե շրջան ցուցադրող ուշագրավ կադր:

Ինչպես նշում է The Daily Mail-ը, համացանցի օգտատերերից ոմանք եզրակացրել են, որ շրջանը կառուցվել է այլմոլորակայինների կողմից, կամ էլ՝ որ այն ավելի մեծ, հողի տակ թաղված կառույցի մի մասն է:

«Չգիտեմ, թե սա ինչ ծագում ունի, սակայն ակնհայտ է, որ այն կատարյալ շրջան է ու նման չէ Մարսի կամ Լուսնի վրա հանդիպող խառնարաններին: Այնպիսի տպավորություն է, որ քարերը հատուկ են այսպես դասավորել: Չի բացառվում, որ սա ինչ-որ փլատակ է»,-գրել է օգտատերերից մեկը:

Հավելենք, որ իրենից շարժական լաբորատորիա ներկայացնող Curiosity-ն Մարսի վրա վայրէջք է կատարել 2012թ. օգոստոսի 6-ին: Դրա նպատակն է հեռավոր մոլորակի վրա կյանքի գոյության նշաններ գտնելը: Այն կշռում է մոտ 900 կգ ու համալրված է 17 տեսախցիկով, տարբեր գործիքներով:

NASA's Curiosity Rover has captured a mysterious circular formation on rocks on the surface of Mars

Alien hunters were excited by the images (above, after color enhancement) and suggested that the rocks had been 'arranged' or could even be evidence of a larger, buried structure