42-ամյա թայվանցի կինը չի տարբերվում դեռահասից (լուսանկարներ)

Instagram-ի ասիական տիրույթի աստղ Լյուր Հսյուի լուսանկարներին նայելիս դժվար է հավատալ, որ այս «աղջիկն» արդեն 42 տարեկան է:

Ինչպես նշում է kp.ru-ն, թայվանցի Լյուրը մասնագիտությամբ դիզայներ է, որին առաջին հայացքից հեշտությամբ կարելի է շփոթել ոճային հագնված դեռահասի հետ:

Երիտասարդ տեսքը պահպանող թայվանուհին, որն Instagram-ում ունի 237.000 հետևորդ, պատմել է, որ երբևէ չի դիմել պլաստիկ վիրաբույժի օգնությանը, որևէ ներարկում չի արել:

«Երիտասարդությանս գաղտնիքը շատ պարզ է. ես ուտում եմ մեծ քանակությամբ թարմ միրգ-բանջարեղեն, շատ ջուր եմ խմում: Գազավորված ըմպելիքներն արգելքի տակ են, առավոտյան խմում եմ միայն մի գավաթ սև սուրճ»,-պատմել է կինը:

Նա նաև մանրամասնել է, որ մեծ ուշադրություն է դարձնում մաշկի խոնավեցմանը, օգտագործում է տարբեր քսուքներ, ամեն օր վիտամին C և կոլագեն պարունակող կապսուլներ է օգտագործում: Նա խուսափում է արևի ուլտրամանուշակագույն ճառագայթներից, երբեք արևային լոգանք չի ընդունում, փողոց դուրս գալուց առաջ արևից պաշտպանող նյութեր է քսում: