Ներկայացվել է անօդաչու շտապօգնության մեքենա, որը կարող է հազարավոր կյանքեր փրկել (տեսանյութ)

Tech Insider-ը հրապարակել է ուշագրավ տեսանյութ, որում պատկերված է անօդաչու թռչող սարքի ու շտապօգնության մեքենայի համադրություն հանդիսացող հետաքրքիր փոխադրամիջոց:

Ուշագրավ նորույթը ստացել է Drone Ambulance անվանումը: Ստեղծողների խոսքով՝ այն կարող է օգնել հազարավոր կյանքեր փրկել:

Աղբյուրը նկատում է, որ ամեն տարի տասնյակ հազարավոր մարդիկ են մահանում ուշ տեղ հասած շտապօգնության պատճառով: Մինչդեռ Drone Ambulance-ը կարող է էականորեն դեպի լավը փոխել իրավիճակը:

Հայտնի է, որ անօդաչուն ունի կոմպակտ մեքենայի մեծություն: Դրանում կարող են տեղավորվել բժիշկը, հիվանդը, ինչպես նաև առաջին բուժօգնության համար անհրաժեշտ սարքավորումները:

Նշվում է, որ ի տարբերություն սովորական շտապօգնության մեքենայի՝ Drone Ambulance-ը կառուցման տեսանկյունից ավելի ծախսատար է, սակայն այն շատ ավելի էժան է, քան շտապօգնության ուղղաթիռները:

Տեսանյութը կարող եք դիտել այստեղ: