Եղանակն՝ այսօր
Համբուրգում Մելանյա Թրամփը չի կարողացել դուրս գալ հյուրանոցից՝ ցուցարարների պատճառով (լուսանկարներ)
G20 գագաթնաժողովի մեկնարկի ֆոնին բողոքի ցույցերը Համբուրգում ստեղծել են քաոսային իրավիճակ. ցուցարարներն արգելափակել են գագաթնաժողովի հանդիպման վայր տանող փողոցները, հայտնում է The Telegraph-ը:
ԱՄՆ առաջին տիկին Մելանյա Թրամփը, մասնավորապես, չի կարողացել ցուցարարների պատճառով դուրս գալ հյուրանոցից՝ առաջնորդների կողակիցների համար կազմակերպված միջոցառումն այցելելու համար:
Միջոցառումը հյուրընկալել է Գերմանիայի կանցլեր Անգելա Մերկելի ամուսինը՝ Յոախիմ Զաուերը: ԱՄՆ պատվիրակության խոսնակը հայտարարել է, որ իրենք չեն կարողացել հյուրանոցից դուրս գալու թույլտվություն ստանալ, որպեսզի տիկին Թրամփը կարողանա ժամանել միջոցառմանը:
«Մենք ոստիկանությունից չենք ստացել անվտանգության երաշխիք հյուրանոցից դուրս գալու համար»,- ասել է տիկին Թրամփի խոսնակը:
Իր հերթին՝ Ավստրալիայի վարչապետ Մալքոլմ Թերնբուլը Twitter-ում հայտնել է, որ Ինդոնեզիայի նախագահ Ջոկո Վիդոդոյի հետ չեն կարողանում տեղաշարժվել։ Թերնբուլի հյուրանոցը հսկող ոստիկանությունը հարձակման է ենթարկվել ցուցարարների կողմից:
Միևնույն ժամանակ, ցուցարարները դանակով ծակել են Կանադայի պատվիրակությանը պատկանող ավտոմեքենայի անիվները:
Հաղորդվում է, որ ԵՄ ներկայացուցիչներ Ժան-Կլոդ Յունկերի և Դոնալդ Տուսկի մամուլի ասուլիսը սկսվել է 45 րոպե ուշացումով, հաղորդումների համաձայն, քաղաքի փողոցներում տիրող քաոսի պատճառով:
Նշվում է նաև, որ հանդիպումներից մեկին չի կարողացել նաև ներկայանալ Գերմանիայի ֆինանսների նախարար Վոլֆգանգ Շոյբլեն:
Studio One