Fiat-ն ավելի քան 1 մլն մեքենա է հետ կանչում ողջ աշխարհում

Fiat Chrysler Automobiles ավտոկոնցեռնը 1.33 մլն ավտոմեքենա է ետ կանչում ողջ աշխարհում` անվտանգության բարձիկների և գեներատորների հետ կապված խնդիրների պատճառով: 

Ինչպես հաղորդում է Корреспондент-ը` հղում անելով ընկերության պաշտոնական հաղորդագրությունը, շուրջ 770 000 ավտոմեքենա հետ կկանչվեն անվտանգության բարձիկների ինքնաբերաբար բացման խնդիրների պատճառով: Առկա տվյալների համաձայն` այս խնդրի պատճառով 5 մարդ է տուժել, սակայն վթարներ տեղի չեն ունեցել: 

Մինչդեռ 565 000 ավտոմեքենա հետ կկանչվի օդի բարձր ջերմաստիճանի պայմաններում գեներատորի բռնկման հավանականության պատճառով:   

Տարեսկզբից FCA կոնցեռնը հայտարարել է ողջ աշխարհում մեքենաների հետ կանչման 10 դեպքի մասին: