Skype-ի աշխատանքում մասշտաբային խափանում է տեղի ունեցել

Ամբողջ աշխարհում Skype տեսածառայության օգտատերերը ծառայության աշխատանքում խափանումների են բախվել, գրում է «ՌԻԱ Նովոստի»-ն:

«Մենք տեղյակ ենք, որ օգտատերերը չեն կարողանում ուղարկել կամ ստանալ հաղորդագրություններ Skype-ի նամակագրության միջոցով: Մեր ինժեներների թիմն արդեն աշխատում է»,- ասված է Skype-ի պաշտոնական հաղորդագրությունում:

Ամենաշատը խնդիրը զգացվել է Հյուսիսային Ամերիկայի և Եվրոպայի օգտատերերի շրջանում:

«Լավ լուրն այն է, որ մի քանի րոպեից դուք ի վերջո կստանաք հաղորդագրություններ»,- նշել է ընկերությունը: