Նշվել է iPhone 8-ի հավանական արժեքը. աղբյուր

Apple ընկերության նորագույն սմարթֆոնի ներկայացմանն սպասում են ողջ աշխարհում, սակայն, ինչպես հաղորդում են քաջատեղյակ աղբյուրները, այն էժան չի լինելու:

Business Insider-ի հաղորդմամբ՝ iPhone 8-ը, որը թողարկվելու է ամերիկյան տեխնոլոգիական հսկայի 10-րդ հոբելյանի առթիվ, կարժենա 999 դոլար:

Աղբյուրը մատնանշում է նաև երկար քննարկումների ենթարկվող դեմքի սկաների առկայությունը, որը կփոխարինի մատնահետքի սկաներին՝ բջջային վճարումների իրականացումն առավել անվտանգ դարձնելու համար:

iPhone-ի ներկայիս բարձր դասի տարբերակը գնահատվում է 969 դոլար, որը համալրված է 256 ԳԲ ներքին հիշողությամբ: