Սուպերքարերն այնքան էլ կատարյալ չեն. «ազնվացեղ» մեքենաների թերությունները  

Մեքենաշինական աշխարհի «ազնվացեղ» ներկայացուցիչը համարվող սուպերքարերը, որոն շքեղ տեսք ունեն, արագընթաց են և միլիոններ արժեն, հազարավոր ու միլիոնավոր գնորդների են հրապուրում ողջ աշխարհում:

Սակայն սուպերքար ունենալու բերկրանքը կարճ է տևում: Ինչպես գրում է Business Insider-ը, գրավչության և շքեղության հետ միասին այս մեքենաները նաև մի շարք թերություններ ունեն, ինչը բարդացնում է դրանց կիրառումն ամենօրյա քաղաքային երթևեկության մեջ:  Պարբերականն առանձնացրել է «թերությունները»:

1. Դրանք ավելի ցածր են, քան որոշ սողուններ, ինչն անհարմար է դարձնում փողոցի որոշ հատվածներում վարելը: 

2. Դրանք չափազանց հզոր են: Քաղաքային երթևեկության պարագայում մեքենայի այդչափ հզորությունը երբեք հնարավոր չէ օգտագործել:

3. Այն գնելը միլիոններ արժե, այն նորոգելը ևս մի ամբողջ կարողություն արժե:

4. Ոչ ոք հանգիստ չի թողնում քեզ քո մեքենայի հետ, բացի այդ շատերը քեզ հիմար են համարում:

5. Մեքենաների լվացման կետի աշխատակիցներն անշուշտ կփորձեն «սնանկացնել» քեզ:

6. Սուպերքարերի բեռնախցիկն անչափ փոքր է և ճամփորդելիս անգամ ուղեբեռ հնարավոր չէ տեղավորել: