Ամերիկացի ոստիկանը կրակել է լրագրողի վրա՝ տեսախցիկը զենքի հետ շփոթելով

02:38 • 06.09.17

ԱՄՆ Օհայո նահանգում ոստիկանը վիրավորել է լրագրողին՝ շփոթելով նրա տեսախցիկը զենքի հետ, հայտնում են ամերիկյան լրատվամիջոցները:


Տեղական New Carlisle News թերթի լրագրող Էնդի Գրիմը ռեպորտաժի կադրեր ստանալու համար նկարահանման վայրում մեքենայից հանել է տեսախցիկն ու շտատիվը, իսկ մոտակայքում գտնվող ոստիկանն անմիջապես կրակել է՝ տեխնիկան շփոթելով զինամթերքի հետ։

Այնուհետև տեսնելով, որ սխալվել է ոստիկանը ներողություն է խնդրել և վիրավոր լրագրողին տեղափոխել հիվանդանոց: Նշվում է, որ վերջինիս կյանքին վտանգ չի սպառնում։