Facebook-ը նոր հնարավորություն է առաջարկում

22:21 • 07.09.17

Facebook սոցիալական ցանցը նոր գործառույթ է փորձարկում. որոշ օգտատերեր կարող են արդեն գունավոր մեկնաբանություններ փորձարկել գրառումների տակ:

Ինչպես հայտնում է Life.ru-ն, կարելի է ընտրել 7 գույնից որևէ մեկը մեկնաբանության ֆոնի համար:

Նորարարությունը դեռևս հասանելի է միայն բջջային սարքավորումներից օգտվողների համար: Առաջինը նոր հնարավորությունը փորձարկել և գնահատել են Android համակարգից օգտվողները: Դեռևս հայտնի չէ, թե արդյոք այս գործառույթը հասանելի կդառնա համակարգչից օգտվողների համար, թե ոչ:

Օգտատերերից շատերը հասցրել են իրենց դժգոհությունը հայտնել սոցցանցի այս որոշման առնչությամբ՝ նշելով, որ իրենց նյարդայնացնում են գունավոր մեկնաբանությունները: