Ուսումնամարզական թռիչքի ժամանակ կորել է ԱՄՆ ռազմածովային ուժերի ուսումնական ինքնաթիռը

09:58 • 02.10.17

ԱՄՆ ռազմածովային ուժերի T-45C Goshawk ուսումնական ինքնաթիռը՝ երկու հոգուց բաղկացած անձնակազմով, չի վերադարձել բազա ԱՄՆ-ի արևելքում Թենեսի նահանգում ուսումնական թռիչքից հետո: Այդ մասին հայտնում է «ՌԻԱ Նովոստի»-ն՝ վկայակոչելով ԱՄՆ ռազմածովային ուժերի հաղորդագրությունը:


Միևնույն ժամանակ, ABC հեռուստաալիքը հաղորդագրություն է հրապարակել կիրակի երեկոյան Թելիկո Փլեյնսի շրջակայքում ռազմական ինքնաթիռի կործանման մասին՝ նշելով, որ ինքնաթիռում ոչ ոք ողջ չի մնացել:


ԱՄՆ ռազմածովային նավատորմը հայտնել է, որ ուսումնասիրում է կործանված ինքնաթիռի մասին հաղորդագրությունը և փորձում պարզել, թե արդյոք կործանված ինքնաթիռը կորած T-45C Goshawk-ն է: