Playboy-ի հիմնադրին, կտակի համաձայն, հուղարկավորել են Մերիլին Մոնրոյի կողքին (լուսանկարներ)

10:55 • 02.10.17

Սեպտեմբերի 30-ին Լոս Անջելեսի Westwood Village Memorial Park գերեզմանատանը հուղարկավորվել է հանրահայտ Playboy էրոտիկ ամսագրի հիմնադիր Հյու Հեֆները, որին, կտակի համաձայն, հուղարկավորել են դերասանուհի Մերիլին Մոնրոյի կողքին:

Ինչպես նշում է The Daily Mail-ը, հուղարկավորությանը ներկա են եղել 91-ամյա հանգուցյալի կինը, 4 երեխաներն ու ղեկավարած թիմի գլխավոր անդամները:

Հայտնի է, որ Հեֆները Մոնրոյի հարևանությամբ գտնվող գերեզմանատեղը գնել էր դեռևս 1992թ.՝ 75.000 դոլարով:
 
Նշվում է, որ Հեֆները Playboy-ի առաջին համարը թողարկել է 1953թ.: Այն ունեցել է մեծ հաջողություն, դրա շապիկին եղել է 20-րդ դարի սեքս խորհրդանիշ Մերիլին Մոնրոն:

Աղբյուրը մանրամասնում է, որ Հեֆները տարիներ շարունակ առողջական խնդիրներ ուներ, իսկ վերջին շրջանում չէր կարողանում առանց կողմնակի օգնության տեղաշարժվել: Նա վերջին անգամ հանրությանն էր հայտնվել 2016թ. մայիսին:

Հայտնի է, որ մահից հետո Հեֆները թողել է 43 մլն դոլար ժառանգություն, որը կիսվելու է երեխաների, Հարավային Կալիֆորնիայի համալսարանի ու մի շարք բարեգործական կազմակերպությունների միջև:

 

Hefner's four children, Cooper, Marston, Christie and David all attended the ceremony. Hefner's crypt (left side) is next to Marilyn Monroe's. He bought the plot in 1992 for $75,000

Marylin Monroe's crypt at the Westwood Memorial Park Cemetery. The crypt directly to the left of Marilyn Monroe was purchased by Hugh Hefner in 1992 for $75,000. Richard Freddie Poncher was laid to rest in the crypt directly above Monroe's in 1986

The first issue of Playboy featured Marilyn Monroe and was published in December 1953