Ավտովթար Հայրավանք գյուղում. կան տուժածներ

01:37 • 11.10.17

Հոկտեմբերի 10-ին, ժամը 23:01-ին ահազանգ է ստացվել, որ Գեղարքունիքի մարզի Հայրավանք գյուղում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

 

Պարզվել է, որ Գավառ-Սևան ավտոճանապարհի 15-րդ կմ-ին բախվել են «Ford Transit» մակնիշի 24 OS 736 և «Կամազ» մակնիշի 54 LO 444 պետհամարանիշերով ավտոմեքենաները, ինչի հետևանքով «Ford Transit» մակնիշի ավտոմեքենայի 7 ուղևոր տարբեր աստիճանի մարմնական վնասվածքներով տեղափոխվել են Գավառի ԲԿ: