Աշխարհում առաջին լողացող անասնաբուծական ֆերման կհայտնվի Հոլանդիայում

22:58 • 11.10.17

2017 թվականի ավարտին Նիդերլանդների Ռոտերդամ քաղաքում կսկսվի փորձարարական լողացող ագարակի կառուցման աշխատանքները:

Ինչպես ներկայացնում է Euromag-ը, անասնաբուծական ֆերմայի համար արդեն առանձնացրել են կովերի նախիրը և երկու մասնագետի են վարձել, որոնք հետևելու են կենդանիներին: 1000 քառ. մետր մակերես ունեցող հարթակից նախատեսվում է օրական 800 լիտր կաթ ստանալ, հետագայում նաև յոգուրտ և պանիր: 

Կովի ցեղատեսակը, որն ընտրվել է ջրային ագարակում պահելու համար, սովոր է ծովին: Կենդանիները չեն տանջվի ծովային հիվանդությունից:

Եթե հարկ լինի, կենդանիներին կարող են ցամաք տեղափոխել: Նրանց համար արդեն խոտ է աճեցվում: Կովերի հետևից մաքրելու աշխատանքներն իրականացնելու են ռոբոտները:  

Լողացող ագարակ ստեղծելու միտքն առաջացել է, երբ ֆերմեր Փիթեր Բելադոնն այցելել է Նյու Յորք «Սենդի» փոթորիկի ժամանակ, որտեղ բնակիչները զրկված էին տարբեր մթերքներ ձեռք բերելու հնարավորությունից: