Շումախերի որդին մտադրվել է հանդես գալ «Ֆորմուլա-1»-ում
Գերմանացի ավտոմրցարշավորդ Միխայել Շումախերի որդին՝ Միկը հայտարարել է, որ ձգտում է հայտնվել «Ֆորմուլա-1»-ում:
«Ես կենտրոնանում եմ ինքս ինձ վրա, և չեմ նայում մյուս մրցարշավորդներին: Բոլորն էլ յուրովի են առաջ ընթանում, չի կարելի է համեմատել: Ես քայլ առ քայլ եմ առաջ շարժվում և փորձում եմ պատրաստել ինձ ապագայի համար: Երբ հասկանամ, որ պատրաստ եմ, կանեմ հաջորդ քայլը», - Lenta.ru-ն մեջբերում է Շումախեր կրտսերի խոսքը:
Ներկա պահին 18-ամյա մրցարշավորդը հանդես է գալիս «Ֆորմուլա-3»-ում: Նախորդ մրցաշրջանում նա զբաղեցրել է 12-րդ տեղն առաջնության ընդհանուր հաշվարկում:
Հիշեցնենք, որ նրա հայրը՝ «Ֆորմուլա-1»-ի յոթակի չեմպիոնը 2013 թվականին ստացած գանգ-ուղեղային վնասվածքից հետո գամված է անկողնուն և ներկայում բուժում է ստանում Շվեյցարիայի իր տանը:
Վերջերս հայտնի էր դարձել, որ նրա հասակը կրճատվել է 14 սմ-ով, իսկ քաշը 75 կգ-ից հասել 45-ի:










