Պորտուգալիայի ներքին գործերի նախարարը հրաժարական է տվել անտառային հրդեհների պատճառով

16:32 • 18.10.17

Պորտուգալիայի ներքին գործերի նախարար Կոնստանսա Ուրբանո դե Սոուզան չորեքշաբթի հրաժարական է տվել՝ վերջին ամիսներին ավելի քան 100 մարդու մահվան պատճառ դարձած անտառային հրդեհների առնչությամբ իրեն ուղղված քննադատությունից հետո: Այդ մասին հայտնում է Deutsche Welle-ն:


«Ես համարում եմ, որ չունեմ քաղաքական և անձնական պայմաններ իմ պաշտոնին պաշտոնավարել շարունակելու համար»,- գրել է նախարարը վարչապետ Անտոնիու Կոշտային ուղղված հրաժարականի նամակում:


Նա նշել է, որ այլևս ոչ մի պատճառ չկա պաշտոնին մնալու համար, երբ «ողբերգության կրիտիկական շրջանն» անցել է:


Նա եզրափակել է, որ այդ քայլն անհրաժեշտ է իր անձնական արժանապատվությունը պահպանելու համար:


Կոշտան հայտարարել է, որ ընդունել է դե Սոուզայի հրաժարականը:


Վերջին օրերին դե Սոուզայից բազմիցս պահանջել են հրաժարական տալ:


Ավելի վաղ հաղորդվել է, որ Պորտուգալիայի կենտրոնական և հյուսիսային հատվածներում մոլեգնող հրդեհների հետևանքով առնվազն 41 մարդ է զոհվել, վիրավորվել է 71 մարդ, նրանցից 16-ը ծանր վիճակում են:


Պորտուգալիայում անտառային հրդեհների մակերեսը չորս օրվա ընթացքում կազմել է 240 հազար հեկտար: Երկրում հրդեհի զոհերի հիշատակին եռօրյա սուգ է հայտարարվել:


Երեքշաբթի տեղացած անձրևներն օգնել են վերջապես հսկողության տակ առնել հրդեհները: