Կանադայի վարչապետը չի կարողացել զսպել արցունքները ռոքեր Գորդ Դաունիի մահվան կապակցությամբ (լուսանկարներ, տեսանյութ)
Կանադական Tragically Hip ռոք խմբի մեներգիչ Գորդ Դաունիի մահվան լուրը տխրեցրել է ոչ միայն հազարավոր կանադացիների, այլև երկրի վարչապետ Ջասթին Տրյուդոյին, որը չի կարողացել զսպել արցունքները:
Ինչպես նշում է The Daily Mail-ը, անթաքույց արտասվող Տրյուդոն լրագրողներին ասել է, որ ազգի լավագույն երաժիշտն իր համար ներշնչման աղբյուր է եղել:
«Այսօր առավոտյան մենք կորցրինք լավագույններից մեկին: Գորդն ընկերս էր, բայց միևնույն ժամանակ նա բոլորի ընկերն էր: Առանց Գորդ Դաունիի այս երկիրն առաջվանը չի լինի: Կարծում էի, որ կդիմանամ, բայց՝ ոչ»,-ասել է 45-ամյա վարչապետը:
Նշվում է, որ 53-ամյա Դաունիի մահվան պատճառը եղել է գլխուղեղի քաղցկեղը:














