Շվեդիայի սահմանապահները ձերբակալել են իր կատվի հետևից եկած ՌԴ քաղաքացուն, որին ցմահ արգելել էին մուտք գործել երկիր

20:00 • 22.10.17

Շվեդիայում սահմանապահ ծառայությունների աշխատակիցները ձերբակալել են Ռուսաստանի քաղաքացուն, որը փորձել է մտնել երկիր, թեև նրա նկատմամբ մուտքի ցմահ արգելք է սահմանվել:

Ինչպես հաղորդում է Gazeta.ru-ն՝ վկայակոչելով շվեդական աղբյուրը, ՌԴ քաղաքացուն արգելվել է մուտք գործել Շվեդիա՝ Սանկտ Պետերբուրգ-Հելսինկի չվերթն իրականացնող օդանավում պայթուցիկի առկայության մասին կեղծ ահազանգից պատճառով:

Տղամարդը, որին ձերբակալել են սահմանապահները Դանիայի հետ սահմանին, հայտարարել է, որ ցանկանում է Շվեդիայից վերցնել իր կատվին, որին իրենից խլել են կալանքից հետո և տեղավորել են կենդանիների կացարանում:

Ներկա պահին կատվին վերադարձնելու հարցով զբաղվում է փաստաբանը: