Իրանում 5.2 մագնիտուդ ուժգնությամբ երկրաշարժ է տեղի ունեցել

09:04 • 23.10.17

Իրանի հարավում 5.2 մագնիտուդ ուժգնությամբ երկրաշարժ է արձանագրվել, հայտնում է earthquaketrack.com կայքը՝ մանրամասնելով, որ դրա էպիկենտրոնը գտնվել է Մինաբ քաղաքից 84 կմ դեպի հյուսիս:

Մինչդեռ ստորգետնյա ցնցումների օջախը գտնվել է 30 կմ խորության վրա: Զոհերի կամ ավերածությունների մասին տեղեկություն չկա:

Նշվում է, որ երկրաշարժը տեղի է ունեցել վաղ առավոտյան։