Հոլիվուդյան դերասանուհի Էլեն Փեյջն ամուսնացել է իր ընկերուհու հետ

Հոլիվուդյան դերասանուհի Էլեն Փեյջն ամուսնացել է իր ընկերուհու՝ Էմմա Պորտների հետ։ Այդ մասին նա հայտնել է Instagram-ի իր էջում՝ ամուսնական մատանիները պատկերող լուսանկար հրապարակելով։

«Չեմ կարող հավատալ, որ այժմ այս անհավանական կնոջը կարող եմ իմ կինն անվանել»,- գրել է դերասանուհին։

Թե երբ և որտեղ է տեղի ունեցել արարողությունը՝ չի հաղորդվում։ Զույգին առաջին անգամ միասին էին տեսել 2017 թվականի ամռանը։

Իր սեռական կողմնորոշման մասին Փեյջը հայտնել էր 2014 թվականի փետրվարին։ Նա հայտնի է «Ջունո», «Սկիզբ», «Իքս մարդիկ» ֆիլմերից։