Երևանում փրկարարներն օգնություն են ցուցաբերել վատառողջ քաղաքացիներին

20:00 • 06.01.18

Հունվարի 6-ին, ժամը 18:13-ին ահազանգ է ստացվել, որ Երևան քաղաքի Խորենացու փողոցի թիվ 27 շենքի 2-րդ մուտքի վերելակը խափանվել է, ներսում վատառողջ քաղաքացի կա. անհրաժեշտ է փրկարարների օգնությունը:


Ինչպես տեղեկացնում է Արտակարգ իրավիճակների նախարարության կայքը, դեպքի վայր է մեկնել մեկ մարտական հաշվարկ:

Փրկարարները բացել են վերելակը. ներսում են եղել 1961 թ. ծնված Ե. Մ.-ը և վատառողջ՝ 1939 թ. ծնված Է. Ս.-ը, ում շտապօգնության աշխատակիցները տեղում ցուցաբերել են համապատասխան բուժօգնություն:


Նույն օրը՝ ժամը 13:40-ին ահազանգ է ստացվել, որ Երևան քաղաքի Լենինգրադյան փողոցի թիվ 2 շենքի բնակարաններից մեկի վատառողջ բնակիչն ընկել է. անհրաժեշտ է փրկարարների օգնությունը:


Ըստ ԱԻՆ կայքի՝ դեպքի վայր է մեկնել մեկ մարտական հաշվարկ: Փրկարարները քաղաքացուն ցուցաբերել են համապատասխան օգնություն: