Ցունամիի մասին սխալ նախազգուշացումը վախեցրել է ամերիկյան Սիսայդ քաղաքի բնակիչներին

15:31 • 06.01.18

Ցունամիների մասին նախազգուշացման համակարգը սխալմամբ տեղեկացրել է ԱՄՆ Օրեգոն նահանգի Սիսայդ քաղաքի բնակիչներին չորս հետո սպասվող ցունամիի մասին, հայտնում է Associated Press-ը:


Քաղաքապետարանի խոսնակ Ջոն Ռալի խոսքերով՝ հաղորդագրությունունը քաղաքացիների ուղարկվել է համակարգում տեղ գտած խափանման պատճառով։

Սիսայդի ոստիկանությունն անմիջապես էլեկտրոնային նամակներ և տեքստային հաղորդագրություններ է ուղարկել քաղաքացիներին՝ զգուշացնելով տեղի ունեցած սխալի մասին:

Գազալցակայանի սեփականատերերից մեկը պատմել է The Daily Astorian թերթին, որ որոշ մարդիկ խուճապի են մատնված եղել՝ չնայած, որ ինքը փորձել է վստահեցնել, որ չորեքշաբթի օրերին սովորաբար փորձարկումներ են արվում:

Նրա խոսքով՝ մի հաճախորդ հապշտապ եկել է ավտոմեքենայով, որպեսզի լիցքավորի ավտոմեքենան քաղաքից հեռանալու համար: