Պապուա Նոր Գվինեայում հրաբխի ժայթքման պատճառով տարհանել են կղզիներից մեկի մոտ 600 բնակչի (տեսանյութ)
Պապուա Նոր Գվինեայի իշխանությունները տարհանել են Կադովար կղզում բնակվող մոտ 600 մարդու այն բանից հետո, երբ սկսվել է 365 մետր բարձրություն ունեցող համանուն հրաբխի ժայթքցումը, հայտնում է Reuters գործակալությունը:
Հրաբուխը սկսել է ակտիվության նշաններ ցույց տալ ուրբաթ՝ մինչև մոտ 2 133 մետր բարձրության մոխիր դուրս նետելով: Կիրակի օրվա կեսին ակտիվությունն ուժեղացել է:
Հրաբխի ակտիվության նշաններ վերջին անգամ նկատվել են 40 տարի առաջ:
Իշխանությունները տարհանել են տեղի բնակիչներին հարևան կղզիներ և խորհուրդ են տվել նավերին չմոտենալ կղզուն:
Այժմ որոշ տվյալներով՝ Կադովարի տարածքի մոտ 50 տոկոսը ծածկված է լավայով:










