Ղազախստանում ավելի քան 50 մարդ է զոհվել ավտոբուսի հրդեհման հետևանքով (տեսանյութ)

11:19 • 18.01.18

Ղազախստանւմ 52 մարդ է զոհվել ուղևորատար ավտոբուսում հրդեհի հետևանքով, հայտնում է «ՌԻԱ Նովոստի»-ն՝ վկայակոչելով երկրի ՆԳՆ արտակարգ իրավիճակների հարցերով կոմիտեին:


«Հինգ ուղևորներին, որոնց հաջողվել է դուրս գալ և փրկվել, տրամադրվում է բժշկական օգնություն»,- ասված է հաղորդագրությունում:


Դեպքը տեղի է ունեցել Ակտյուբինի մարզի Իրգիզի շրջանում Սամարա-Շիմքենտ ավտոճանապարհին՝ տեղի ժամանակով ժամը 10:30-ին:


Ավտոբուսում եղել է 55 ուղևոր և երկու վարորդ:


Հաղորդվում է, որ բոլոր զոհերն Ուզբեկստանի քաղաքացիներ են:


Դեպքի վայրում աշխատում են ոստիկանության, փրկարարների, բժիշկների և հոգեբանների խմբերը:


Կազմակերպվել է հոգեբանական ծառայության «թեժ գծի» աշխատանքը: