Մեծ Բրիտանիայում ԵՄ կազմից դուրս գալու հարցով ևս մի հանրաքվե չի լինի. Թերեզա Մեյ
Մեծ Բրիտանիայի վարչապետ Թերեզա Մեյը հայտարարել է, որ երկրի՝ Եվրամիության կազմից դուրս գալու վերաբերյալ ևս մի հանրաքվե իրենք անցկացնել չեն պատրաստվում։ Այդ մասին Մեյը հայտնել է Bild պարբերականին տված հարցազրույցում:
«Խորհրդարանն ընտրելու հնարավորություն է տվել Բրիտանիայի քաղաքացիներին, և նրանք արել են դա», - ասել է վարչապետը:
Նա նաև նշել է, որ Մեծ Բրիտանիան լքում է ԵՄ-ն, սակայն ոչ Եվրոպան:
«Մենք չենք փակում դռները, մենք ցանկանում ենք պայմանավորվածություններ ձեռք բերել ազատ առևտրի վերաբերյալ համապարփակ համաձայնագրի, ինչպես նաև անվտանգության ոլորտում գործընկերության վերաբերյալ»,- ընդգծել է Մեյը:










