Հազարավոր մարդիկ են դուրս եկել մասնակցելու Թրամփի դեմ Կանանց երթին (տեսանյութ)

ԱՄՆ նախագահ Դոնալդ Թրամփի երդմնակալության մեկամյա տարեդարձի օրը հազարավոր կանայք են փողոց դուրս եկել ԱՄՆ-ի ավելի քան 200 քաղաքում:

Ինչպես հաղորդում է CNN-ը, կանանց բողոքի երթը սկսվել է հունվարի 20-ին: Բողոքի ակցիան միավորել է ոչ միայն Թրամփի հակառակորդներին: Փողոց են դուրս եկել նաև #MeToo սեռական ոտնձգությունների և բռնության դեմ արշավի կողմնակիցները:

Ուղիղ մեկ տարի առաջ կանանց առաջին զանգվածային երթերին միլիոնավոր քաղաքացիներ էին մասնակցել, որոնք դժգոհ էին ԱՄՆ նախագահի քաղաքականությունից: 

Նախագահ Թրամփը անմասն չի մնացել երկրում տիրող իրադարձություններից և թվիթերյան գրառում է կատարել: «Գեղեցիկ եղանակ է երկրի ողջ տարածքում, հիանալի օր է Կանանց երթի համար: Դուրս եկեք տոնելու պատմական դեպքերը և աննախադեպ տնտեսական հաջողությունը, որը գրանցվել է նախորդ 12 ամսում: Կանանց շրջանում գործազրկության ամենացածր ցուցանիշը 18 տարվա ընթացքում»,- գրել է ԱՄՆ ղեկավարը:

In solidarity with Women's Marches taking place across the United States, participants of the Sundance Film Festival in Park City, Utah, gather under heavy snowfall to protest US President Donald Trump, on the anniversary of his inauguration pic.twitter.com/5h73ePkz56

— AFP news agency (@AFP) January 21, 2018