Ելփին-Չիվա ավտոճանապարհին բեռնատար է շրջվել. կա երկու զոհ

14:31 • 25.01.18

 

Հունվարի 25-ին, ժամը 13:15-ին ՀՀ ԱԻ նախարարություն ահազանգ է ստացվել, որ Ելփին-Չիվա ավտոճանապարհին բեռնատար է շրջվել, կա երկու զոհ. անհրաժեշտ է փրկարարների օգնությունը:

Ինչպես հայտնում են ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:

Կտրվի լրացուցիչ տեղեկություն:

Նշենք, որ shamshyan.com-ի տեղեկություններով` վթարի հետևանքով տեղում մահացել են վարորդն ու ուղևորը։ Վարորդի դին ավտոմեքենայից դուրս են բերել փրկարարները՝ մեծ դժվարությամբ՝ օգտագործելով հատուկ տեխնիկա։

Կայքի տեղեկություններով՝ նշված ավտոմեքենան հաշվառված է Երևան քաղաքի Մալաթիա-Սեբաստիա վարչական շրջանի Սվաճյան փողոցի բնակիչ՝ 49-ամյա Արամ Վոլոդյայի Գրիգորյանի անվամբ։