Թրամփը Դավոսի համաժողովի շրջանակում չի հանդիպել Պորոշենկոյի հետ՝ ժամանակի սղության պատճառով
Միացյալ Նահանգների նախագահ Դոնալդ Թրամփն ուրբաթ Դավոսում անցկացվող Համաշխարհային տնտեսական համաժողովի շրջանակում չի հանդիպել Ուկրաինայի նախագահ Պյոտր Պորոշենկոյի հետ՝ ժամանակի սղության պատճառով։ Այդ մասին Twitter-ի իր էջում հայտնել է CBS հեռուստաալիքի լրագրող Մարգարեթ Բրենանը։
«Պորոշենկոյի հետ հանդիպման ժամանակ ԱՄՆ պետքարտուղար Ռեքս Թիլերսոնը բացատրել է նրան, որ Թրամփն արդեն մեկնել է Վաշինգտոն։ Նա ցանկանում էր հանդիպել Ուկրաինայի նախագահի հետ, սակայն նրան ժամանակը չի բավականացրել»,- գրել է նա։
Ավելի վաղ հաղորդվել է, որ Դավոսում համաժողովի շրջանակում Պորոշենկոն ցանկանում է Թրամփի հետ քննարկել Ուկրաինա զենքի մատակարարման հարցը։










