«Թալիբանի» գրոհայինները վերահսկում են Աֆղանստանի տարածքի մինչև 70 տոկոսը. BBC

16:23 • 31.01.18

«Թալիբան» ծայրահեղական շարժման գրոհայիններն ընդլայնել են Աֆղանստանում իրենց վերահսկողության տակ գտնվող տարածքների գոտին 2014 թվականին միջազգային կոալիցիայի հիմնական ուժերի դուրս բերումից հետո: Այդ մասին հայտնում է BBC-ն՝ վկայակոչելով 2017 թվականի վերջին անցկացված սեփական հետազոտությունը:


Ստացած տվյալների համաձայն՝ գրոհայիններն ամբողջությամբ վերահսկում են 14 թաղամաս՝ երկրի տարածքի 4 տոկոսը, և «ունեն ակտիվ ֆիզիկական ներկայություն» ևս 263 թաղամասերում (66 տոկոսը): Դա շատ ավելին է, քան ցույց էին տալիս նախորդ զեկույցները:


Ընդհանուր առմամբ, թաղամասերում, որն այս կամ այն կերպ վերահսկում են գրոհայինները, ապրում է մոտ 15 միլիոն մարդ՝ Աֆղանստանի բնակչության կեսը: Լրագրողները նշում են, որ այդ գոտիներում թալիբները հաճախ գործողություններ են իրականացնում կառավարական ուժերի դեմ:


Աֆղանստանի ևս 122 թաղամաս՝ երկրի տարածքի մոտ 30 տոկոսը, գտնվում է կառավարության վերահսկողության տակ, սակայն նրանք նույնպես ենթարկվում են գրոհայինների հարձակումներին: Մասնավորապես՝ խոսքը Քաբուլի և այլ խոշոր քաղաքների մասին է:


BBC-ի հետազոտությունը նաև ցույց է տվել, որ «Իսլամական պետություն» խմբավորման գորհայինները նույնպես ավելի ակտիվ են դարձել Աֆղանստանում, քան նախկինում։


BBC-ի հետազոտությունն անցկացվել է 2017 թվականի օգոստոսի 23-ից նոյեմբերի 21-ը: