Եղանակն՝ այսօր
Տարանտինոն խոստովանել է, որ տեղյակ է եղել Ումա Թուրմանի նկատմամբ Վայնշտեյնի սեռական ոտնձգությունների մասին
Ամերիկացի ռեժիսոր Քվենտին Տարանտինոն խոստովանել է, որ ինքը տեղյակ է եղել դերասանուհի Ումա Թուրմանի նկատմամբ պրոդյուսեր Հարվի Վայնշտեյնի սեռական ոտնձգությունների մասին: Vulture պորտալը ներկայացրել է Տարանտինոյի տրամադրած մանրամասները միջադեպի մասին:
Տարանտինոյի խոսքով՝ Թուրմանը բողոքել է իրեն Վայնշտեյնի գործողություններից, և ինքն անմիջապես պահանջել է պրոդյուսերից ներողություն խնդրել դերասանուհուց:
«Երբ նա փորձեց փրկել իրավիճակը՝ պատմելով, թե ինչպես է ամեն ինչ տեղի ունեցել, ես չհավատացի նրան: Ասացի, որ չեմ հավատում նրան ու հավատում եմ Թուրմանին, ու եթե նա ցանկանում է նկարահանել «Սպանել Բիլին» ֆիլմը, ապա պետք է կանոններով խաղա», - պատմել է ռեժիսորը:
Տարանտինոն նաև հաստատել է լրատվամիջոցների տեղեկություններն առ այն, որ «Սպանել Բիլին» ֆիլմի նկարահանումների ժամանակ Թուրմանի թույլտվությամբ ինքը թքել է դերասանուհու վրա և խեղդել նրան շղթայով՝ կարևոր դրվագներ նկարահանելու համար:
Հիշեցնենք, որ օրերս Ումա Թուրմանն անդրադարձել է ամերիկյան կինոարդյունաբերության երբեմնի ամենաազդեցիկ պրոդյուսերին՝ սեքս սկանդալի կիզակետում հայտնված Հարվի Վայնշտեյնին՝ անկեղծորեն պատմելով թեմայի վերաբերյալ իր պատմությունը:
Studio One