Էլթոն Ջոնը երկու համերգ է չեղարկել արքայազն Հարրիի ու Մեգան Մարքլի հարսանիքին ներկա գտնվելու համար
Բրիտանացի երաժիշտ Էլթոն Ջոնը երկու համերգ է չեղարկել Լաս Վեգասում՝ արքայազն Հարրիի ու դերասանուհի Մեգան Մարքլի հարսանեկան արարողությանը ներկա գտնվելու համար: Այս մասին հայտնում է Hello-ն:
Հայտնի է, որ Էլթոն Ջոնն արքայադուստր Դիանայի մոտ ընկերն էր, և երաժիշտը շփվում է նրա որդիների՝ արքայազններ Հարրիի և Ուիլյամի հետ:
Դեռևս անհայտ է՝ արդյո՞ք երաժիշտը ելույթ կունենա հարսանիքի ժամանակ, թե ներկա կգտնվի ուղղակի որպես հյուր:
Զույգի հարսանեկան արարողությունը պլանավորվում է անցկացնել 2018 թվականի մայիսի 19-ին: Միջոցառմանը մասնակցելու համար Էլթոն Ջոնը հրաժարվել է մայիսի 18-ին ու 19-ին կայանալիք իր ելույթներից:
Հիշեցնենք, որ զույգը ստացել է թագուհի Էլիզաբեթ 2-րդի օրհնությունն ու նշանադրվել է: 93-ամյա միապետը թոռանն ամուսնանալու թույլտվությունը տվել է իր պսակադրության 70-րդ տարեդարձը նշելուց մեկ շաբաթ հետո:










