Համաշխարհային աստղերի դիմանկարները՝ Բրեդ Էլտերմանի ֆոտոշարքում (լուսանկարներ)

08:43 • 14.02.18

ԱՄՆ-ի Կալիֆորնիա նահանգում ծնված լուսանկարիչ Բրեդ Էլտերմանը սկսել է իր կարիերան 16 տարեկանում, երբ հրապարակվել է նրա առաջին աշխատանքը՝ 1974 թվականին արված ամերիկացի երաժիշտ Բոբ Դիլանի լուսանկարը, որն էլ դարձել է նրա «անցաթուղթը» դեպի ռոքնռոլի աշխարհի հետնաբեմ:

Bored Panda-ն գրում է, որ լուսանկարիչը կենտրոնացել և «բռնացրել» է աստղերի անկեղծ, հիշվող ու երբեմն անձնական պահերը:

«Ես ավանդական ռոքնռոլ-լուսանկարիչ չէի, քանի որ չէի ձգտում պատկերել կիթառ նվագող աստղերին: Սա անում էին այն ժամանակի բոլոր լուսանկարիչները, իսկ ինձ չէին հետաքրքրում սովորական համերգային կադրերը: Ես լուսանկարում էի հետնաբեմը. սա իսկապես աչքի ընկնող լուսանկարներ էին, որոնք պատմություն էին ներկայացնում, լուսանկարներ, որոնք շատ էին ուզում ամսագրերը», - պատմել է նա:

Նշվում է, որ Բրեդ Էլտերմանը մինչ օրս շատ սիրված լուսանկարիչ է, որի ոճն առանձնապես չի փոխվել:

«Ոչինչ չի փոխվել: Ամսագրերի խմբագիրների մեծամասնությունը խնդրում են ինձ բան չփոխել ու լուսանկարել այնպես, ինչպես անում էի դա տասնամյակներ առաջ», - պատմել է Էլտերմանը:

Ֆրեդի Մերկուրի