Ներկայացվել է Սաուդյան Արաբիայում կառուցվող 1000 մետր բարձրությամբ աշտարակի դիզայնը (լուսանկարներ)
Business Insider-ը ներկայացրել է Սաուդյան Արաբիայում կառուցվող աշխարհի ամենաբարձրահարկ երկնաքերի դիզայնն ու նախնական կառույցի տեսքը:
Նորագույն կառույցը պատրաստ կլինի 2020 թվականին: Ջիդդա քաղաքում կառուցվող աշտարակը կունենա 1000 մետր բարձրությունը՝ գերազանցելով ներկայիս ամենաբարձր կառույցին՝ Դուբայի «Բուրջ Խալիֆա» աշտարակին (828 մետր):
«Ջիդդայի աշտարակ» անվանումն ստացած կառույցը կդառնա առավել խոշորածավալ նախագծի՝ «Ջիդդայի տնտեսական քաղաքի» կառուցման առաջին փուլը:
Նորագույն կառույցը կունենա 200 հարկ, որոնցից 60-ն այսօրվա դրությամբ կանգնեցված են:
Աշտարակի ներսում կտեղակայվեն ռեստորաններ, հյուրանոցային համարներ, բնակարաններ և առևտրի կենտրոն: Նախագծի ֆինանսավորումը կազմում է 2.2 մլրդ դոլար:












