Դադիվանք գյուղի տներից մեկում հրդեհ է բռնկվել. զույգ երեխաները մահացել են. գյուղապետ
Արցախի Դադիվանք գյուղի տներից մեկում երեկ՝ փետրվարի 22-ին հրդեհ է բռնկվել, ինչի հետևանքով մահացել են բազմազավակ ընտանիքի զույգ երեխաները:
Այս մասին Tert.am-ին հաղորդեց Դադիվանքի գյուղապետ Ալվարդ Օհանյանը:
«Երեկ առավոտյան՝ ժամը 10-ի սահմաններում է հրդեհը բռնկվել, հենց տան մեջ, որտեղ երեխաները քնած են եղել: Բազմազավակ՝ 8 երեխաներ ունեցող ընտանիքի վերջին երկու՝ զույգ երեխաները մահացել են»,-ասաց նա։
Գյուղապետի խոսքով՝ հրդեհի պատճառն առայժմ հայտնի չէ։
«Պատճառը չեմ կարող նշել, փորձագետներն աշխատանք են տանում»,-ասաց նա:










