Հրազդան գետից մահացած դուրս բերված 26-ամյա քաղաքացին որոնվում էր որպես անհետ կորած
Հրազդան գետից այսօր դուրս բերված մահացած քաղաքացին որպես անհետ կորած որոնվող Վարդան Մնացականյանն է։
Այս մասին հայտնում են ՀՀ ոստիկանությունից։
Նշվում է, որ փետրվարի 23-ին, ժամը 10.50-ին, ոստիկանության Մաշտոցի բաժին ահազանգ է ստացվել, որ Երևանի Կիևյան կամրջի տակ` գետի մեջ, կասկածում են, որ կարող է դիակ լինել։
Մեկնած օպերատիվ խումբը նշված վայրում հայտնաբերել է ոստիկանության Էրեբունու բաժնի կողմից հունվարի 30-ից որպես անհետ կորած որոնվող, 1992 թ. ծնված Վարդան Մնացականյանի դիակը։
Արտաքին զննությամբ դիակի վրա բռնության հետքեր չեն հայտնաբերվել։ Նշանակվել է դատաբժշկական փորձաքննություն։ Կատարվում է քննություն։










