Մերձմոսկվայում բեռնատարի մեջ Ղազախստանի երեք քաղաքացու մարմին է հայտնաբերվել
Մերձմոսկվայի Չեխովի շրջանում Ղազախստանի երեք քաղաքացու մարմին են հայտնաբերել բեռնատար մեքենայի մեջ:
Այս մասին հայտնում է Gazeta.ru-ն՝ վկայակոչելով իր աղբյուրը:
«Նախնական տվյալների համաձայն՝ Նովոսելկի գյուղի շրջանում բեռնատարում 35-40 տարեկան տղամարդկանց 3 մարմին է հայտնաբերվել: Նախնական տվյալներով՝ նրանք Ղազախստանի բնակիչներ են:
Աղբյուրը նշել է, որ տղամարդկանց մարմինների կողքին հայտնաբերվել է նաև գազայրիչ և ոգելից խմիչքի շիշ:
ՌԴ Քննչական կոմիտեի տեղի վարչության մամլո ծառայությունը հաստատել է այս տեղեկությունը՝ նշելով, որ տղամարդկանց մահվան պատճառը, նախնական տեղեկությունների համաձայն, դժբախտ պատահարն է եղել:










