Հնդկաստանում նորապսակները նվերի տեսքով փաթեթավորված ռումբ են ստացել, որի պայթյունից փեսան մահացել է

14:59 • 25.02.18

Հնդկաստանի Օդիշա քաղաքում նորապսակները բացել են հարսանիքի ժամանակ ստացած նվերներից մեկը, ինչի հետևանքով ռումբ է պայթել՝ սպանելով փեսային ու ծանր վնասվածքներ հասցնելով հարսին:

Ինչպես նշում է ndtv.com կայքը, նորապսակները նվերը բացել են հարսանիքից 5 օր հետո: 

Հայտնի է, որ պայթյունի հետևանքով զոհվել է նաև փեսայի տատիկը: 

Այժմ ոստիկանությունը փորձում է հասկանալ՝ ով է զույգին տվել որպես նվեր փաթեթավորված ռումբը և թե ինչ տեսակի պայթուցիկ է կիրառվել: