ԱՄՆ-ում մոլեգնում են ուժգին փոթորիկներ. կան զոհեր և ավերածություններ (լուսանկարներ, տեսանյութ)
ԱՄՆ կենտրոնական նահանգներում մոլեգնող ուժգին փոթորիկների ու պտտահողմի հետևանքով գրանցվել է 5 զոհ, հայտնում է The Guardian-ը՝ մանրամասնելով, որ սաստիկ քամիները պատճառել են բազմաթիվ ավերածություններ:
Հայտնի է, որ փոթորիկներն ու պտտահողմը սկսվել են կենտրոնական նահանգներում՝ սրընթաց շարժվելով դեպի երկրի հյուսիս-արևելք:
Առաջին զոհը գրանցվել է Միչիգանում, ևս 3-ը՝ Կենտուկիում, մեկը՝ Արքանզասում:
ԱՄՆ մի շարք նահանգների՝ Միսուրիի, Ինդիանայի, Իլինոիսի նահանգապետները մոտեցող փոթորիկների պատճառով արտակարգ դրություն են հայտարարել:
Աղբյուրը հավելում է, որ փոթորիկներն ուղեկցվել են ջրհեղեղներով:
















