Հանցագործության մասին հաղորդում եմ ներկայացրել ՀՔԾ. Ալիկ Սարգսյան
Ես հանցագործության մասին հաղորդում եմ ներկայացրել ՀՔԾ: Այս մասին Tert.am-ի հետ զրույցում ասաց ԱԺ ՀՀԿ խմբակցության պատգամավոր, ՀՀ նախկին ոստիկանապետ Ալիկ Սարգսյանը` հաստատելով, որ հանցագործության մասին հաղորդում է ներկայացրել ՀՀ հատուկ քննչական ծառայություն:
«Հայտնել եմ, որ նախկին բարձրաստիճան պաշտոնյաներից մեկը, տևական ժամանակ է, իր մասին արատավորող տեղեկություններ տարածելու սպառնալիքով խոշոր չափերի գումար է պահանջում ինձանից, այսքանը, անուններ այս պահին չեմ հրապարակի: Մտեք իմ դրության մեջ»,-շեշտեց նախկին ոստիկանապետը:
Նշենք, որ Tert.am-ի հետ զրույցում ՀՔԾ-ն ևս հաստատեց, որ Ալիկ Սարգսյանը հանցագործության մասին հաղորդում է ներկայացրել, բայց այլ մանրամասներ չհայտնեց:










