Ֆրանսիայի Նանտ քաղաքում ցուցարարներն այրել են ավելի քան 50 մեքենա. լրատվամիջոցներ (տեսանյութ)
Ֆրանսիայի Նանտ քաղաքում արդեն մի քանի օր է՝ շարունակվում են զանգվածային անկարգությունները, քաղաքի տարբեր հատվածներում ցուցարարներն այրել են ավելի քան 50 մեքենա, հայտնում է echo.msk.ru-ն։
Հայտնի է, որ խռովությունները սկսվել են այն բանից հետո, երբ Նանտում ոստիկանը ձերբակալության ժամանակ կրակոցով սպանել է քաղաքացու։
Տեղի ունեցած անկարգությունների հետևանքով վնաս է հասցվել մի շարք խանութների, բենզալցակայանի կետի, ցուցարարները կրակի են տվել նաև Լեոնարդո դա Վինչիի լիցեյի շքամուտքը։ Աղբյուրը նշում է, որ տեղի ունեցածի պատճառով քիչ է մնացել մահանար մի ամբողջ ընտանիք, այդ թվում՝ անչափահաս երեխա։
Բողոքի ակցիաների մասնակիցները հստակ պահանջներ չունեն։ Երբեմն քաղաքի փողոցներում կարելի է հանդիպել «Ոստիկանները տականք են» գրությունների։











