Կալիֆոռնիայում անտառային հրդեհների հետևանքով 1 մարդ է մահացել, հայտարարվել է արտակարգ դրություն (տեսանյութ, լուսանկարներ)
ԱՄՆ Կալիֆոռնիա նահանգում արտակարգ դրություն է հայտարարվել անտառային հրդեհների պատճառով, այս մասին տեղեկացնում է CNN հեռուստաալիքը։
Նշվում է, որ հրդեհները մոլեգնում են նահանգի Սան Դիեգո շրջանում, հեռուստաալիքի տեղեկությունների համաձայն՝ մահացել է մեկ մարդ։
Հայտնի է, որ հրդեհի պատճառով վնասվել է մի քանի տուն, Սան Դիեգոյում փակվել են որոշ ավտոճանապարհներ։
Տեղի իշխանությունները զգուշացրել են կենսական նշանակություն ունեցող կարևոր շինությունների վրա կրակի տարածման վտանգի առկայության մասին։
Հիշեցնենք, որ անցյալ տարի Կալիֆոռնիայում անտառային հրդեհների հետևանքով մահացել է 23 մարդ։














