Ճապոնիայում տեղատարափ անձրևների հետևանքով զոհերի թիվը հասել է 179-ի (լուսանկարներ)
Ճապոնիայի տարբեր հատվածները պատուհասած տեղատարափ անձրևների առաջացրած սողանքների ու ջրհեղեղների հետևանքով զոհերի թիվը հասել է 179-ի, մինչդեռ անհետ կորածները 50-ն են: Բացի այդ, կան բազմաթիվ ավերված շինություններ:
Ինչպես հայտնում է tass.ru-ն, նախարարների կաբինետի գլխավոր քարտուղ Յոսիհիդե Սուգան հայտարարել է, որ փրկարարական գործողությանը մասնակցում է 75.000 մարդ:
Աղբյուրը մանրամասնում է, որ ճապոնական խոշոր ավտոընկերությունները՝ Mazda-ն ու Mitsubishi-ն, արդեն 5-րդ օրն է՝ չեն կարողանում վերսկսել Հիրոսիմա և Օկայամա պրեֆեկտուրաներում գտնվող իրենց արտադրամասերի աշխատանքը:
Հաղորդվում է, որ երկրի վարչապետ Սինձո Աբեն հուլիսի 11-ին ժամանել է Օկայամա, որտեղ պատրաստվում է այցելել հազարավոր մարդկանց ապաստանած կենտրոններ:
Աղբյուրը նկատում է, որ սա Ճապոնիայում 1953թ. ի վեր տեղի ունեցած ջրհեղեղների խոշորագույն դեպքն է:



















