ԵՄ-ն, Ռուսաստանը և Չինաստանն ԱՄՆ-ի հակառակորդներն են. Թրամփ

11:08 • 16.07.18

Ներկայում Եվրամիությունը, Ռուսաստանի Դաշնությունը և Չինաստանն ԱՄՆ-ի հակառակորդներն են: Այդ մասին CBS հեռուստաալիքին տված հարցազրույցում հայտարարել է ԱՄՆ նախագահ Դոնալդ Թրամփը:

«Ես կարծում եմ, որ մենք շատ թշնամիներ ունենք: Ես կարծում եմ, որ ԵՄ-ն հակառակորդ է այն պատճառով, թե ինչ են անում մեզ հետ առևտրում»,- հայտարարել է Սպիտակ տան ղեկավարը:

Թրամփի խոսքով՝ Չինաստանն ԱՄՆ-ի հակառակորդն է տնտեսական ոլորտում, իսկ Ռուսաստանը հակառակորդ է «որոշակի ասպեկտներում»:

«Բայց դա չի նշանակում, որ նրանք վատն են: Դա նշանակում է, որ նրանք մրցակցություն են ապահովում»,- ընդգծել է ԱՄՆ նախագահը: